საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ თბილისის მდგრადი განვითარების XVI რეგიონულ ფორუმში მიიღო მონაწილეობა. მან მოდერატორობა გაუწია პანელურ სესიას, სახელწოდებით „დიდი ჰესების როლი ენერგოდამოუკიდებლობაში, ენერგო სექტორის მსოფლიო ტენდენციები, განახლებადი ენერგიის მოხმარება და განვითარება“.სემეკის თავმჯდომარემ სიტყვით გამოსვლისას ყურადღება გაამახვილა საქართველოს ენერგეტიკულ პოლიტიკაზე, ჰესების მშენებლობის საჭიროებაზე, სემეკის როლსა და რეგულაციებზე განახლებადი ენერგიების განვითარების მიმართულებით. დისკუსიის ფარგლებში მონაწილეებმა განიხილეს სახელმწიფო პოლიტიკა ენერგოდამოუკიდებლობასთან მიმართებაში, საქართველოს პოტენციალი განახლებადი ენერგიების განვითარების კუთხით, არსებული საკანონმდებლო ჩარჩო, საინვესტიციო გარემოს გაუმჯობესების მიზნით შემუშავებული მექანიზმები. იმსჯელეს არსებულ გამოწვევებსა და მათი გადაჭრის გზებზე.პანელურ დისკუსიაში მონაწილეობა მიიღეს ეკონომიკისა და მდგრადი განვითარების სამინისტროს ენერგოეფექტურობისა და განახლებადი ენერგიების პოლიტიკის და მდგრადი განვითარების დეპარტამენტის უფროსმა, საინჟინრო მეცნიერებათა დოქტორმა მარგალიტა არაბიძემ, საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ, UNESCAP-ის ენერგეტიკის განყოფილების დირექტორმა ჰონგპენგ ლიუმ, Celtic Sea Power-ის ყოფილმა თავმჯდომარემ, გაერთიანებული სამეფოს საზღვაო ძალების კომოდორმა სტუვ ჯერმა, „Photomate Caucasus“-ის რეგიონულმა დირექტორმა დავით ტყეშელაშვილმა, კომპანია „შაინ ენერჯის“ დამფუძნებელმა ნინო გადელიამ.თბილისის მდგრადი განვითარების XVI რეგიონულ ფორუმში, რომელიც ქ. თბილისში 3-6 ივნისს იმართება, მონაწილეობას იღებენ საქართველოს ცენტრალური და ადგილობრივი ხელისუფლების წარმომადგენლები, პარლამენტის წევრები, მაღალი დონის ქართველი და უცხოელი მომხსენებლები, ასევე ბიზნეს სექტორის, აკადემიური წრეებისა და დიპლომატიური კორპუსის წარმომადგენლები. მონაწილეები მსჯელობენ მდგრადი სოციალურ-ეკონომიკური განვითარების, ეკონომიკური ზრდის, ენერგოუსაფრთხოების, განახლებადი ენერგიის მოხმარებისა და განვითარების, მდგრადი ურბანული განვითარების, სივრცითი მოწყობის, სატრანსპორტო რეფორმისა  და სხვადასხვა საკითხის შესახებ.

„საქართველოს მთავრობა პრიორიტეტს ანიჭებს ადგილობრივი გენერაციის, ახალი განახლებადი სიმძლავრეებისა და გადამცემი ინფრასტრუქტურის განვითარებას. ჩვენი ამოცანაა, 2036 წლისთვის ქვეყანა იყოს სრულად თვითკმარი, გაიზარდოს დადგმული სიმძლავრეები, განულდეს ელექტროენერგიის იმპორტი და  გაფართოვდეს როგორც საექსპორტო, ისე სატრანზიტო შესაძლებლობები. ჩვენი მიზანი  ენერგეტიკული უსაფრთხოების გაძლიერება და ენერგეტიკული დამოუკიდებლობისკენ სწრაფვაა“ - ამის შესახებ ეკონომიკისა და მდგრადი განვითარების მინისტრის მოადგილემ ინგა ფხალაძემ განაცხადა, რომელმაც აზერბაიჯანის დედაქალაქში  „ბაქოს ენერგეტიკულ კვირეულში“ მიიღო მონაწილეობა.პლენარულ სესიაზე, სახელწოდებით „საერთაშორისო თანამშრომლობა მდგრადი და დივერსიფიცირებული ენერგეტიკული მომავლისთვის“ სიტყვით გამოსვლისას  ინგა ფხალაძემ აღნიშნა, რომ მიმდინარეობს მუშაობა რეგიონული ენერგეტიკული უსაფრთხოების გაძლიერებასა და საქართველოს, როგორც საიმედო სატრანზიტო ჰაბის  როლის განმტკიცებაზე. მისივე თქმით, ეს პროცესი ხელს უწყობს უფრო მეტ სტაბილურობასა და ეკონომიკურ თანამშრომლობას.როგორც მინისტრის მოადგილემ აღნიშნა, ენერგეტიკული დამოუკიდებლობისა და უსაფრთხოების გამოწვევების  უზრუნველყოფა  მხოლოდ რეგიონული თანამშრომლობითა და კოორდინირებული პარტნიორობით არის შესაძლებელი. მისი თქმით, სტრატეგიული მნიშვნელობის  მიმდინარე პროექტები ნათლად აჩვენებს ინფრასტრუქტურის როლს დივერსიფიკაციის გაძლიერებასა და ბაზრების ხელმისაწვდომობის გაუმჯობესებაში.„ამ კონტექსტში განსაკუთრებული ყურადღება უნდა მიექცეს ისეთ სტრატეგიულ ინიციატივებს, როგორებიცაა შავი ზღვის წყალქვეშა კაბელის  პროექტი და მწვანე ენერგიის დერეფანი  (GECO), რომლებიც მიზნად ისახავს ელექტროენერგეტიკული კავშირების გაძლიერებას სამხრეთ კავკასიას, შავი ზღვის რეგიონსა და ევროპას შორის, რეგიონული ენერგეტიკული უსაფრთხოების, ბაზრის ინტეგრაციისა და მწვანე ენერგეტიკის სფეროში თანამშრომლობის განვითარების მხარდაჭერასთან ერთად“ - განაცხადა ინგა ფხალაძემ.მინისტრის მოადგილის შეფასებით, შავი ზღვის წყალქვეშა კაბელი, რომელიც ქართული ინიციატივაა, მნიშვნელოვნად გააძლიერებს ტრანსსასაზღვრო ელექტროენერგიით ვაჭრობას, შესაძლებელს გახდის სამხრეთ კავკასიიდან ევროპაში მწვანე ენერგიის ექსპორტს და კიდევ უფრო განამტკიცებს საქართველოს, როგორც საიმედო სატრანზიტო და დაკავშირებადობის ჰაბის როლს.„პარტნიორობის გაძლიერება, ენერგეტიკული მარშრუტების დივერსიფიკაცია და საიმედო სატრანზიტო დერეფნების განვითარება გადამწყვეტი გახდა არა მხოლოდ ეროვნული ენერგეტიკული უსაფრთხოებისთვის, არამედ უფრო ფართო რეგიონული და გლობალური სტაბილურობისთვის. საქართველო, საკუთარი ენერგეტიკული მედეგობის გაძლიერებით, განახლებადი ენერგიის განვითარებით, რეგიონული დაკავშირებადობის ინიციატივების მხარდაჭერითა და იმ საიმედო პარტნიორობაში წვლილის შეტანით, რომელიც სამხრეთ კავკასიას ევროპასთან და სხვა რეგიონებთან აკავშირებს, ამ მიდგომის ერთგული რჩება“, - აღნიშნა ინგა ფხალაძემ.ენერგეტიკული ფორუმი, რომელშიც სხვადასხვა ქვეყნის ენერგეტიკის მინისტრები მონაწილეობენ,  დიალოგის წამყვან და სტრატეგიულ პლატფორმას წარმოადგენს. ღონისძიება, რომელიც აზერბაიჯანის პრეზიდენტმა ილჰამ ალიევმა გახსნა, „ბაქოს ენერგეტიკული კვირეულის“ (Baku Energy Week) ფარგლებში ტარდება.

საქართველოს ეკონომიკისა და მდგრადი განვითარების მინისტრის მოადგილემ ინგა ფხალაძემ ავსტრიის დედაქალაქ ვენაში მონაწილეობა მიიღო საერთაშორისო განვითარების OPEC ფონდის სათაო ოფისში გამართულ საერთაშორისო შეხვედრაში „უსაფრთხო ენერგეტიკული სისტემების დაფინანსება: სტრატეგიული არჩევანი და მდგრადი გადაწყვეტილებები”სესიაზე „ენერგოეფექტურობის დაფინანსება ენერგეტიკული უსაფრთხოებისთვის“ ინგა ფხალაძემ ენერგოეფექტურობის მნიშვნელობაზე ისაუბრა და აღნიშნა, რომ ის საქართველოს ენერგეტიკული პოლიტიკის ერთ-ერთი პრიორიტეტია. მისი თქმით, ენერგოეფექტურობა ხელს უწყობს ენერგიის მოხმარების შემცირებას, ხარჯების ოპტიმიზაციას, გარემოზე უარყოფითი ზემოქმედების შემცირებას და ქვეყნის ენერგეტიკული უსაფრთხოების გაძლიერებას.მინისტრის მოადგილემ ისაუბრა საქართველოს მიერ ევროკავშირთან ასოცირების შეთანხმებისა და ენერგეტიკული გაერთიანების წევრობის ფარგლებში ნაკისრ ვალდებულებებზე, რომლებიც ენერგოეფექტურობისა და განახლებადი ენერგიების სფეროებში ევროკავშირის კანონმდებლობასთან ეტაპობრივ დაახლოებას ითვალისწინებს.ინგა ფხალაძემ განსაკუთრებული ყურადღება დაუთმო შენობების სექტორში ენერგოეფექტურობის გაუმჯობესების მნიშვნელობას და აღნიშნა, რომ ამ მიმართულებით დაგეგმილი ღონისძიებების წარმატებით განხორციელებისთვის მნიშვნელოვანია შესაბამისი ფინანსური მექანიზმების ხელმისაწვდომობა და საერთაშორისო პარტნიორების მხარდაჭერა.შეხვედრა ენერგეტიკული უსაფრთხოების უზრუნველსაყოფად საჭირო ფინანსური გადაწყვეტილებების, სტრატეგიული არჩევანებისა და მდგრადი მიდგომების განხილვას დაეთმო.შეხვედრაში მონაწილეობა მიიღეს სხვადასხვა ქვეყნის სამთავრობო უწყებების წარმომადგენლებმა, საერთაშორისო ორგანიზაციების დელეგატებმა, წამყვანი საერთაშორისო საბანკო და ფინანსური ინსტიტუტების წარმომადგენლებმა, ასევე ენერგეტიკის სექტორის ექსპერტებმა. ღონისძიება ორგანიზებული იყო მსოფლიო ბანკისა და საერთაშორისო განვითარების OPEC ფონდის მიერ ენერგეტიკის სექტორის მართვის მხარდაჭერის პროგრამის ფარგლებში. 

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ დაფუძნებული ელიზბარ ერისთავის სახელობის ენერგეტიკის სასწავლო ცენტრი (ENTC) პროექტის განხორციელებას იწყებს, სახელწოდებით: „ენერგეტიკული ინფრასტრუქტურის უსაფრთხოება კლიმატის ცვლილებით გამოწვეული კატასტროფების დროს“.პროექტის მიზანია ვიშეგრადის ქვეყნების (უნგრეთი, ჩეხეთი, პოლონეთი, სლოვაკეთი) გამოცდილების გაზიარება საქართველოსთვის ენერგეტიკული ინფრასტრუქტურის მდგრადობისა და კლიმატთან დაკავშირებული კატასტროფების მიმართ მზადყოფნის საკითხებზე. პროექტის ფარგლებში დაგეგმილია სიღრმისეული კვლევის მომზადება, საუკეთესო საერთაშორისო პრაქტიკისა და რეგულაციების შესწავლა, ასევე საერთაშორისო ექსპერტების მიერ შესაბამისი რეკომენდაციების შემუშავება.პროექტი ითვალისწინებს საგანმანათლებლო კომპონენტებსაც, მაშ შორის  საჯარო ლექციებისა და ტრენინგების ორგანიზებას, რომლებიც მიზნად ისახავს ენერგეტიკის სექტორის წარმომადგენლების, საჯარო მოხელეებისა და ადგილობრივი თვითმმართველობის ორგანოების ცნობიერების დონის ამაღლებას. პროექტის საპილოტე რეგიონად შერჩეულია გურია. აქტივობები, რომლებიც მოიცავს კვლევის შედეგების პრეზენტაციასა და პრაქტიკული გზამკვლევის შექმნას, ხელს შეუყობს საზოგადოების ინფორმირებულობის დონის ზრდას საქართველოს ენერგეტიკული უსაფრთხოების საკითხებზე. პროექტი იწყება 2026 წლის მაისში და დასრულდება 2027 წლის ოქტომბერში.პროექტის შესახებ დეტალური ინფორმაცია განთავსებულია პროექტის ვებგვერდზე v4share.com

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ წამყვანი საერთაშორისო წყლის კომპანია Aqualia-ს მიწვევით, მონაწილეობა მიიღო ,,გლობალური წყლის სამიტი 2026“-ში (Global Water Summit 2026), რომელიც 18-20 მაისს ესპანეთში, ქ. მადრიდში გაიმართა. სამიტი წყლის ინდუსტრიაში წამყვანი ქსელური და სტრატეგიული ღონისძიებაა, რომელიც აერთიანებს სამთავრობო უწყებებს, მარეგულირებლებს, საერთაშორისო ორგანიზაციებს,  ფინანსებისა და ტექნოლოგიების სექტორების წარმომადგენლებს, დარგის ექსპერტებს.გარდა ამისა, სემეკის თავმჯდომარე Aqualia-ს გენერალურ დირექტორს, სანტიეგო ლაფუენტეს შეხვდა. შეხვედრაზე განიხილეს Aqualia-ს  მფლობელობაში არსებული შპს “ჯორჯიან უოთერ ენდ ფაუერის” მიერ თბილისში, რუსთავსა და მცხეთაში წყალმომარაგების მომსახურების ხარისხის გაუმჯობესების მიზნით  განსახორციელებელი პროექტები, ისაუბრეს სამომავლო გეგმებზე.”მსხვილი ინვესტორისა და საერთაშორისო გამოცდილების მქონე კომპანია - Aqualia-ს  „ჯორჯიან უოთერ ენდ ფაუერის“ მენეჯმენტში შესვლიდან დღემდე მოცულობითი ინვესტიციებია განხორციელებული თბილისში, რუსთავსა და მცხეთაში წყალმომარაგების მოძველებული ინფრასტრუქტურის რეკონსტრუქციის, რეაბილიტაციისა და სხვადასხვა სამუშაოების წარმოებისათვის, რათა ეტაპობრივად გაუმჯობესდეს წყლის მიწოდებისა და წყალარინების საკითხები. კომპანია საქართველოში ნერგავს საუკეთესო საერთაშორისო გამოცდილებას წყალმომარაგების სისტემის მართვის ტექნიკებისა და მეთოდოლოგიების კუთხით. Aqualia-ს სტრატეგიული მიდგომები იძლევა იმის გარანტიას, რომ თბილისში, რუსთავსა და მცხეთაში წყალმომარაგება მნიშვნელოვნად გაუმჯობესდება”, - აღნიშნა დავით ნარმანიამAqualia-ს გენერალურ დირექტორთან შეხვედრის დასრულების შემდეგ.

საქართველოში საწვავის იმპორტი შემცირდა. ნავთობპროდუქტების იმპორტიორთა კავშირის ინფორმაციით, 2026 წლის აპრილში, ქვეყანაში 54,1 ათასი ტონა ბენზინი იმპორტირდა, რაც მარტის თვის მაჩვენებელთან (72,5 ათასი ტონა) შედარებით 18,4 ათასი ტონით, ანუ 25,4%-ით ნაკლებია. რაც შეეხება კლებას წლიურ ჭრილში - გასული წლის აპრილთან შედარებით, ბენზინის იმპორტი 4,7%-ით შემცირდა.კლება ფიქსირდება დიზელთან მიმართებითაც. ასევე 2026 წლის აპრილის მონაცემებით, საქართველოში 39,3 ათასი ტონა დიზელი შემოვიდა, რაც მარტის თვის მაჩვენებელთან (45,9 ათასი ტონა) შედარებით 6,6 ათასი ტონით, ანუ 14,4%-ით შემცირებული მონაცემია. წლიურ ჭრილში კი, იმპორტის მაჩვენებლებში კლება, თითქმის, 20%-ს უტოლდება. კერძოდ, 2025 წლის აპრილში, საქართველოში 49 ათასი ტონა დიზელი იმპორტირდა, რაც 9,7 ათასი ტონით, ანუ 19,8%-ით აღემატება წლევანდელი წლის მონაცემს.აღსანიშნავია, 2026 წლის იანვარ-აპრილის თვეების მდგომარეობით, ქვეყანაში ჯამურად 430.1 ათასი ტონა ბენზინისა და დიზელის იმპორტი განხორციელდა. ეს მონაცემიც, თითქმის, 5%-ით ჩამორჩება 2025 წლის ანალოგიური პერიოდის მაჩვენებელს.

ეკონომიკისა და მდგრადი განვითარების მინისტრმა, მარიამ ქვრივიშვილმა ბაქოში ხელი მოაწერა რამდენიმე სტრატეგიულ შეთანხმებას საქართველოსა და აზერბაიჯანს შორის ენერგეტიკისა და  ტრანსპორტის სექტორში, მათ შორის, ხაზგასასმელია საქართველოსთვის 20 წლის ვადით ბუნებრივი გაზის მიწოდების, ასევე  ელექტროენერგიის მიწოდებისა და ტრანზიტის თაობაზე მთავრობათაშორისი შეთანხმებები. მარიამ ქვრივიშვილი დელეგაციასთან ერთად აზერბაიჯანში საქართველოს პრემიერ-მინისტრის, ირაკლი კობახიძის ვიზიტის ფარგლებში იმყოფებოდა.ენერგეტიკულ სექტორში შეთანხმების ყოვლისმომცველი პაკეტი ორი ქვეყნის მთავრობებს შორის  წარმატებით დასრულებული რამდენიმეთვიანი მოლაპარაკებების შედეგია, რაც ძალიან მნიშვნელოვანია საქართველოს ენერგეტიკული უსაფრთხოების გაძლიერებისა და რეგიონული ენერგეტიკული დერეფნის განვითარებისთვის.აღსანიშნავია, რომ აზერბაიჯანიდან დამატებითი გაზის ყიდვა-გაყიდვის ხელშეკრულებას, რომელიც  2003 წელს არის გაფორმებული, ვადა ამოეწურა, შესაბამისად, ახალი ხელშეკრულების გაფორმებას და  20 წლის ვადით გაგრძელებას განსაკუთრებული მნიშვნელობა აქვს სტრატეგიული თანამშრომლობისთვის სამხრეთ-კავკასიური მილსადენის პროექტის ფარგლებში.ბაქოში ვიზიტის ფარგლებში აგრეთვე  ხელი მოეწერა ახალ შეთანხმებას  ბაქო-სუფსის ნავთობსადენის ქართულ სექციასთან დაკავშირებით საოპერაციო ხელშეკრულების გაფორმების თაობაზე, რაც  უზრუნველყოფს ცენტრალური აზიიდან საქართველოს გავლით ევროპაში ნავთობის ტრანზიტის განახლებას და მნიშვნელოვნად გაზრდის ჩვენი ქვეყნის ბიუჯეტის შემოსავლებს.განსაკუთრებით ხაზგასმელია, რომ გაფორმდა ორმხრივი საკოორდინაციო საბჭოს პროტოკოლი, რომლითაც ბაქო - თბილისი - ყარსის ახალი სარკინიგზო მონაკვეთი  სრულ ექსპლუატაციაში შევა. ასევე ძალიან მნიშვნელოვანია, რომ მხარეებს შორის მიღწეული გადაწყვეტილებით, 6-წლიანი პაუზის შემდეგ თბილისსა და ბაქოს შორის ყოველდღიური სამგზავრო სარკინიგზო მიმოსვლა მიმდინარე წლის 26 მაისს აღდგება.საქართველოსა და აზერბაიჯანს შორის ენერგეტიკულ სექტორში გაფორმებული ყოვლისმომცველი პაკეტი ისტორიული მნიშვნელობის შეთანხმებაა, რომელიც კიდევ უფრო გააღრმავებს ქვეყნებს შორის ეკონომიკურ კავშირებს და გააძლიერებს საქართველოს ენერგეტიკულ უსაფრთხოებას.ენერგეტიკისა და ტრანსპორტის სექტორებში აზერბაიჯანთან სტრატეგიულ შეთანხმებებს მარიამ ქვრივიშვილთან ერთად ხელი მოაწერეს აზერბაიჯანის რესპუბლიკის ეკონომიკის მინისტრმა მიქაილ ჯაბაროვმა, ენერგეტიკის მინისტრმა ფარვიზ შაჰბაზოვმა და ციფრული განვითარებისა და ტრანსპორტის მინისტრმა რაშად ნაბიევმა.მარიამ ქვრივიშვილთან ერთად ბაქოში იმყოფებოდნენ მინისტრის მოადგილე თამარ იოსელიანი, ასევე საქართველოს ნავთობისა და გაზის კორპორაციის, საქართველოს სახელმწიფო ელექტროსისტემისა და ესკოს ხელმძღვანელები.

6-წლიანი პაუზის შემდეგ, 26 მაისიდან ბაქო-თბილისის ყოველდღიური სამგზავრო სარკინიგზო მიმოსვლა აღდგება -  ამის შესახებ ინფორმაციას მთავრობის ადმინისტრაცია ავრცელებს.მათივე ცნობით, საქართველოს პრემიერ-მინისტრი ირაკლი კობახიძე აზერბაიჯანის რესპუბლიკის პრეზიდენტ ილჰამ ალიევს შეხვდა. შეხვედრაზე ყურადღება გამახვილდა საქართველოსა და აზერბაიჯანის რესპუბლიკის სტრატეგიულ პარტნიორობასა და სხვადასხვა სფეროში თანამშრომლობის შემდგომი გაღრმავების პერსპექტივებზე.ხაზი გაესვა ორი ქვეყნის სავაჭრო-ეკონომიკური კავშირების განვითარების პოზიტიურ დინამიკას და ამ კონტექსტში ეკონომიკური თანამშრომლობის მთავრობათაშორისი კომისიის როლს. ქართულმა მხარემ დაადასტურა მზადყოფნა, უახლოეს მომავალში უმასპინძლოს კომისიის მომდევნო სხდომას.ორი ქვეყნის ლიდერებმა ისაუბრეს გლობალურ და რეგიონულ გეოპოლიტიკურ გამოწვევებზე და კიდევ ერთხელ გაუსვეს ხაზი მშვიდობის მნიშვნელობას რეგიონის მდგრადი და სტაბილური განვითარებისთვის.შეხვედრისას საუბარი ასევე შეეხო რეგიონული მნიშვნელობის პროექტებს, რომლებსაც საქართველო და აზერბაიჯანი ერთობლივად ახორციელებენ და მათ როლს დაკავშირებადობის გაძლიერებაში.შეხვედრის შემდეგ ორ ქვეყანას შორის გაფორმდა ენერგეტიკისა და ტრანსპორტის სექტორში შეთანხმებათა პაკეტი, რომელიც მოიცავს: საქართველოსა და აზერბაიჯანს შორის ელექტროენერგიის მიწოდებისა და სატრანზიტო მიმოსვლის ძირითად პირობებზე 20-წლიან მთავრობათაშორის შეთანხმებას;აზერბაიჯანიდან გაზის ყიდვა-გაყიდვის 2003 წელს გაფორმებული ხელშეკრულების 20 წლით გაგრძელებას, რაც სოციალური გაზმომარაგების უსაფრთხოების გარანტიებს გულისხმობს.დოკუმენტებს საქართველოს მხრიდან ეკონომიკისა და მდგრადი განვითარების მინისტრმა მარიამ ქვრივიშვილმა, ხოლო აზერბაიჯანის მხრიდან - ეკონომიკის მინისტრმა მიქაილ ჯაბაროვმა და ენერგეტიკის მინისტრმა ფარვიზ შაჰბაზოვმა მოაწერეს ხელი.ასევე გაფორმდა ორმხრივი საკოორდინაციო საბჭოს პროტოკოლი, რომლის თანახმად ბაქო-თბილისი-ყარსის ახალი სარკინიგზო მონაკვეთი  სრულ ექსპლუატაციაში შევა. დოკუმენტს ხელი მოაწერეს  საქართველოს ეკონომიკისა და მდგრადი განვითარების მინისტრმა მარიამ ქვრივიშვილმა და აზერბაიჯანის ციფრული განვითარებისა და ტრანსპორტის მინისტრმა რაშად ნაბიევმა. მხარეებს შორის მიღწეული შეთანხმებით, 6-წლიანი პაუზის შემდეგ, თბილისსა და ბაქოს შორის ყოველდღიური სამგზავრო სარკინიგზო მიმოსვლა 26 მაისიდან აღდგება.დოკუმენტების ხელმოწერის ცერემონიას საქართველოს პრემიერ-მინისტრი ირაკლი კობახიძე და აზერბაიჯანის რესპუბლიკის პრეზიდენტი ილჰამ ალიევი დაესწრნენ.

ეკონომიკისა და მდგრადი განვითარების მინისტრმა მარიამ ქვრივიშვილმა შეხვედრა გამართა საბერძნეთის ენერგეტიკისა და გარემოს მინისტრ სტავროს პაპასტავროუსთან. შეხვედრისას საუბარი ორ ქვეყანას შორის ენერგეტიკის სფეროში თანამშრომლობის გაღრმავების პერსპექტივებს, მათ შორის - განახლებადი ენერგიისა და ენერგოეფექტურობის მიმართულებით. აღინიშნა, რომ ქართული მხარე მიესალმება საქართველოსა და ევროპის ქვეყნებს ენერგეტიკის სექტორში თანამშრომლობის გაძლიერებას და ამასთან, მზად არის, შავი ზღვის წყალქვეშა პროექტით, წვლილი შეიტანოს ევროპის ენერგოუსაფრთხოებაში.შეხვედრაზე ხაზგასმით ითქვა, რომ დღეს საქართველო განსაკუთრებულ როლს ასრულებს რეგიონული  დაკავშირებადობის მიმართულებით და არაერთი სტრატეგიული ინფრასტრუქტურა სწორედ საქართველოზე გადის  - ამის დასტურია როგორც აზერბაიჯანის თურქეთსა და ევროკავშირთან დამაკავშირებელი ენერგეტიკული პროექტები, ისე ბაქო-სუფსის მილსადენი, რომელიც შავი ზღვის გავლით ევროპას უკავშირდება.შეხვედრის მონაწილეებმა ასევე განიხილეს მსხვილი, რეგიონული მასშტაბის ინფრასტრუქტურული პროექტების,მათ შორის შავი ზღვის წყალქვეშა კაბელისა და მწვანე ენერგიის დერეფნის მნიშვნელოვანი  საკითხები. ქართულმა მხარემ ხაზი გაუსვა მთავრობის ერთ-ერთ მთავარ პრიორიტეტს - საქართველოს მდიდარი ჰიდრორესურსებისა და სხვა განახლებადი წყაროების მაქსიმალურ ათვისებას, რაც ქვეყანას კიდევ უფრო მიმზიდველს ხდის უცხოელი ინვესტორებისთვის.ათენში სტავროს პაპასტავროუსთან გამართულ შეხვედრაში მარიამ ქვრივიშვილთან ერთად მონაწილეობა მიიღო ეკონომიკისა და მდგრადი განვითარების მინისტრის მოადგილემ,  ინგა ფხალაძემ. შეხვედრას ასევე ესწრებოდა საქართველოს ელჩი საბერძნეთში ლევან ბერიძე. შეხვედრა მარიამ ქვრივიშვილის საბერძნეთში ვიზიტის ფარგლებში შედგა, სადაც მინისტრი  საერთაშორისო ენერგეტიკულ სამიტში მონაწილეობდა.

ეკონომიკისა და მდგრადი განვითარების მინისტრმა, მარიამ ქვრივიშვილმა ენერგეტიკულ სამიტში მიიღო  მონაწილეობა, რომელიც საბერძნეთის დედაქალაქში, ათენში გაიმართა და მას სამხრეთ-აღმოსავლეთ ევროპისა და აღმოსავლეთ ხმელთაშუა ზღვის რეგიონის ქვეყნებიდან  270-ზე მეტი წარმომადგენელი ესწრებოდა. ღონისძიების დელეგატებს შორის იყვნენ საბერძნეთის პრემიერ-მინისტრი კირიაკოს მიცოტაკისი, ისრაელის პრეზიდენტი ისააკ ჰერცოგი, ყურის ქვეყნების თანამშრომლობის საბჭოს გენერალური მდივანი ჯასემ მოჰამედ ალბუდაივი, ევროკომისარი მდგრადი ტრანსპორტისა და ტურიზმის საკითხებში აპოსტოლოს ციციკოსტასი, ასევე სხვადასხვა ქვეყნის მინისტრები, აღმასრულებელი ხელისუფლების, საფინანსო ინსტიტუტებისა და მსხვილი საინვესტიციო კომპანიების ხელმძღვანელები.მარიამ ქვრივიშვილი საქართველოს ენერგეტიკული სექტორის მნიშვნელოვან მიმართულებებზე მოხსენებით გამოვიდა  ენერგეტიკის მინისტრების პანელზე სახელწოდებით  - Delivering 2030 – Leadership commitments for the energy transition.„ენერგეტიკის სექტორს დიდი წვლილი შეაქვს, საქართველოს ეკონომიკურ ზრდაში, თუმცა ის უდიდეს ღირებულებას ქმნის ქვეყნის ენერგოუსაფრთხოებისა და ენერგოდამოუკიდებლობისთვის. ჩვენი ეროვნული ხედვა და სტრატეგია გულისხმობს იმას,  რომ  საქართველომ შეინარჩუნოს  ერთ-ერთი ყველაზე  სწრაფად მზარდი ეკონომიკა და სასიხარულოა, რომ საინვესტიციოდ განსაკუთრებით მოთხოვნადი მიმართულება სწორედ ენერგეტიკაა. ჩვენ პრიორიტეტად ვაქციეთ ენერგეტიკის სექტორი და გვაქვს ამოცანა, მომდევნო 10 წელიწადში დადგმულმა სიმძლავრემ 11 500 მეგავატს მიაღწიოს. ეს ნიშნავს, რომ საქართველო იქნება არა მხოლოდ თვითკმარი, არამედ ექნება ელექტროენერგიის ექსპორტის დიდი შესაძლებლობაც“ - აღნიშნა მარიამ ქვრივიშვილმა.მინისტრის შეფასებით, საქართველო, რომელიც ევროკავშირის ენერგოუსაფრთხოებისა და ენერგოდამოუკიდებლობის მხარდაჭერის პროცესის განუყოფელი  ნაწილია, დიდ აქცენტს აკეთებს ინფრასტრუქტურის განახლებასა და მშენებლობაზე.„საქართველომ დაიწყო  შავი ზღვის 1300 მეგავატიანი წყალქვეშა კაბელის უმნიშვნელოვანესი პროექტი, რომელიც ქვეყანას  ევროპის ენერგეტიკულ ბაზართან დააკავშირებს  და მოხარულები ვართ, რომ ამ პროექტს უკვე მიენიჭა ორმხრივი ინტერესის პროექტის სტატუსი ევროკავშირის მხრიდან. ჩვენ ასევე ვართ მწვანე ენერგიის დერეფნის ნაწილი, რომელიც რეგიონული ინიციატივაა და  საშუალოდ, 4700 მეგავატის სიმძლავრეს მოიცავს. სწორედ ამ სულისკვეთებითა და 10-წლიანი გეგმით საქართველო კიდევ უფრო გააძლიერებს თავის პოზიციას, როგორც რეგიონული ჰაბი არამხოლოდ ენერგეტიკაში, არამედ ტრანზიტსა და ლოგისტიკაშიც. მთავრობა უზრუნველყოფს 1 მილიარდ დოლარზე მეტი ინვესტიციის განხორციელებას ენერგეტიკულ ინფრასტრუქტურაში (გადამცემი ხაზები, ქვესადგურები და ა.შ) მომდევნო 8-10 წლის განმავლობაში“ - განაცხადა საქართველოს ეკონომიკისა და მდგრადი განვითარების მინისტრმა.